Minggu, 13 Oktober 2013

KANTHI SEMANGAT QURBAN KITO TINGKATAKEN IMAN LAN TAQWA KANGGE ANGGAYUH KEBAHAGIAAN NDUNYO AKHIRAT

KHUTBAH IDUL ADHA BAHASA JAWA :


KHUTBAH IDUL ADHA  1433 H/2012M
KANTHI SEMANGAT QURBAN KITO TINGKATAKEN IMAN LAN TAQWA KANGGE ANGGAYUH KEBAHAGIAAN NDUNYO AKHIRAT
Oleh : Anis Purwanto
 
Allahu Akbar, Allahu Akbar, Allahu Akbar, laa ilaaha illallahu Allahu Akbar, Allahu Akbar walillahil hamdu.
Para sederek kaum muslimin lan muslimat. Jamaah ‘aidin lan ‘aidat rakhimakumullah.
            Langkung rumiyin, sumangga kita sami nyaosaken puji syukur dhumateng Allah SWT, ingkang sampun paring kanikmatan, rahmat sarta hidayah dhumateng kita sedaya. Sahingga kanthi ijin Allah SWT, kita wonten ing enjangipun dinten Idul Adha ingkang kebak kebahagiaan punika seget kempal manunggal ngupadi ridlanipun Allah SWT, kanthi nindakaken ibadah dhumateng Allah SWT, lan sekaligus minangka bukti anggen kita nglaeraken raos syukur dhumateng Allah SWT.
            Shalawat saha salam mugia katur dhumateng Gusti Rasul, Nabi besar Muhammad SAW, ingkang sampun mbimbing dhumateng sedaya kaum muslimin, tumuju margi ingkang utami. Mugi-mugi kita sedaya pikantuk syafaatipun mbenjang wanten ing yaumul kiyamah, bekja fiddun ya wal akhirah, amin ya rabbal ‘alamin.
Para sederek kaum muslimin lan muslimat. Jamaah ‘aidin lan ‘aidat rakhimakumullah.
            Wanten ing enjang ingkang endah punika, kita sedaya umat Islam sami ngempal wanten ing tanah-tanah lapang, wanten masjid-masjid, lan wanten mushala-mushla utawi papan panggenan sanesipun ingkang kasediyakaken shalat Idul Adha. Malah kanthi gumbiraning manah lan kebak raos syukur punika, kita agungaken asmanipun Allah kanthi maos takbir, tahlil lan tahmid, wiwit kala dalu ngantos ing enjang punika. Sesarengan kaum muslimin saindenging bawana, saking kitha ageng ngantos ing pelosok dusun. Sami ngegungaken lan muji syuklur ing ngarso dalem Allah SWT. Kanthi sikep dhepe-dhepe ing ngarsanipun Allah ingkang Maha Agung.
            Kalimat takbir, tahlil lan tahmid ingkang kita kumandangaken punika, minangka sebagian bukti pengejawantahan raos syukur lan raos tundhuk kta dumateng Allah atas sedaya kanugrahan saha kanikmatan ingkang dipun paringaken dumaten kita sedaya, ingkang kita mboten badhe saget ngetang, awit kathahipun kanikmatan ingkang kaparingaken dumateng kita sedaya :
وَإِن تَعُدُّواْ نِعۡمَةَ ٱللَّهِ لَا تُحۡصُوهَآ‌ۗ إِنَّ ٱللَّهَ لَغَفُورٌ۬ رَّحِيمٌ
 “Lan yen sira kabeh arep ngetung kanikmatan peparing Allah, yekti sira kabeh ora bakal bias ngetung. Satemene Allah iku Maha Paring Pangapura lan Maha Welas Asih”. (QS An Nahl:18).
Para sederek kaum muslimin lan muslimat, rakhimakumullah. Jamaah ‘aidin lan ‘aidat rakhimakumullah.
            Wanten ing tanggal 10 Dzul Hijjah, kados ing dinten samangke punika, para jamaah Haji nembe ngempal wanten ing kitha Mina, saksampunipun kala wingi sami nindakaken wuquf wanten ing padang Arofah, satunggalipun padha pasir ingkang wiyar sanget, tandus lan gersang. Ngempal wanten ing ngriku nalika tanggal 9 Dzul Hijjah kadas dinten kala wingi.
            Saleebetipun nindakaken upacara ibadah haji, para jamaah punika sami ngagem ageman ihrom, ingkang waninipun pethak lan tanpa dipun jahit. Ageman ihrom ingkang makaten punika minangka lambangipun persamaan aqidah lan pandangan hidup. Awit umat Islam pancen satunggaling umat ingkang anggadhahi aqidah lan pandangan hidup ingkang sami lan seragam.
            Wanten ing saat-saat makaten punika, prasasat sampun mbaten saget dipun bentenaken malih antawisipun tiyang ingkang sugih lan ingkang miskin, antawisipun pemimpin lan rakyat biasa. Sedaya ngraos sederajat, setingkat, sami dadas kawulanipun Allah, ingkang nembe ibadah, nyaketaken manah dalah sliranipun dumateng Allah. Sami-sami lan sesarengan ngumandangaken kalimat Talbiyah :
“LABBAIKALLAHUMMA LABBAIK, LABBAIKA LAA SYARIIKA LAKA LABBBIK, INNAL-HAMDA WAN-NI’MATA LAKA WALMULKA LAA SYARIIKALAK”
“Nuwun inggih sendika dhawuh dalem, Gusti. Dhuh Gusti, kula tansah mbangun turut dhawuh Paduka. Mbaten wanten sekutu kagem Paduka. Sayektosipun sedaya puji lan sawernining kanikmatan punika kagungan Paduka. Lan namung Paduka ingkang nguwaosi samubarang dhengah, lan mbaten wanten ingkang nyekuthoaken kuwaos Paduka”.
Allahu Akbar, Allahu Akbar, Allahu Akbar, laa ilaaha illallahu Allahu Akbar, Allahu Akbar walillahil hamdu.
Para sederek kaum muslimin lan muslimat. Jamaah ‘aidin lan ‘aidat rakhimakumullah.
            Dasar minangka dorongan ingkang damel para jamaah haji ihklas ngurbanaken bondha dunyonipun, lan lega lila ngadhepi mawarni-warni kesulitan salebetipun nindakaken ibadah haji, inggih punika dhawuh pangandikanipun Allah wanten ing Al-Qur’an, Surat Al Haj :27-28 :
وَأَذِّن فِى ٱلنَّاسِ بِٱلۡحَجِّ يَأۡتُوكَ رِجَالاً۬ وَعَلَىٰ ڪُلِّ ضَامِرٍ۬ يَأۡتِينَ مِن كُلِّ فَجٍّ عَمِيقٍ۬ (٢٧) لِّيَشۡهَدُواْ مَنَـٰفِعَ لَهُمۡ وَيَذۡڪُرُواْ ٱسۡمَ ٱللَّهِ فِىٓ أَيَّامٍ۬ مَّعۡلُومَـٰتٍ عَلَىٰ مَا رَزَقَهُم مِّنۢ بَهِيمَةِ ٱلۡأَنۡعَـٰمِ‌ۖ فَكُلُواْ مِنۡہَا وَأَطۡعِمُواْ ٱلۡبَآٮِٕسَ ٱلۡفَقِيرَ (٢٨)
 “Lan sira, Ibrahim, printahna para manungsa supaya nindakake ibadah haji. Temtu wong-wong mau padha nekani sira kanthi mlaku, lan sawenehe ana kang mung nunggang unto kuru, teka saben-saben plosok kang adoh. Supaya padha nekseni pirang-pirang manfaat tumrape wong-wong mau dhewe. Lan supaya wong-wong mau padha nyebut asmane Allah ana ing dina-dina kang wus ditemtokake, atas rezki kang wus diparingake marang wong-wong mau, kan awujud kewan raja kaya. Mula saka iku sira kabeh padha mnagna sebagian saka daginge kewan mau. Lan sebagian liyane wenehna marang wong-wong kang sangsara, kang fakir, suapa padha dipangan”.
            Makaten satunggaling ayat Al-Qur’an ingkang wanten gegayutanipun kaliyan masalah ibadah haji, ingkang ing saat sapunika nembe tengah-tengahipun dipun tindakaken dening umat Islam ingkang kaleres kacekapan syarat rukunipun.
            Wandene kagem kita, umat Islam ingkang kaleres dereng saget nindakaken ibadah haji, wanten ing saat-saat ingkang kebak raos syukur punika, sami nindakaken ibadah ingkang sampun kadas dipun syariataken dening agami Islam. Wiwit kala wingi dipun sunnahaken nindakaken siyam Arofah. Maos kalimah takbir, tahlil lan tahmid, saha shalat idul adha.
            Kajawi nindakaken shalat Id, wanten ing saat-saat ingkang bahagia punika dipun syariataken tumrapipun kaum muslimin ingkang sampun kacekapan, supadas mragat kewan kurban. Bab punika kadhasaraken dhawuhipun Allah SWT:
إِنَّآ أَعۡطَيۡنَـٰكَ ٱلۡكَوۡثَرَ (١) فَصَلِّ لِرَبِّكَ وَٱنۡحَرۡ (٢)
 “Satemene Engsung wus paring kanikmatan kang akeh banget marang sira.Mula saka iku sira nyembaha marang Pangeranira. Lan sira kurbana”. (QS. Al Kautsar:1-2).
            Sejarah wantenipun syariat kurban kanthi mragat kewan raja kaya punika wantenipun prastawa nalika Kanjeng Nabi Ibrahim as dipun uji mental saha imanipun dening Allah SWT, kanthi kadawuhan supadas mragat putranipun, , putra ingkang sakalangkung dipun tresnani.  inggih punika Nabi Ismail as. Kanjeng Nabi Ibrahim as ngestokaken dhawuhipun Allah punika kanthi tanpa tidha-tidha. Keng putra piyambak, Nabi Ismail as, wontenipun inggih ihklas, namung sumarah lan manut. Bab punika kacariosaken wanten ing salebetipun Al-Qur’an, kasebat wanten ing Surat As Shaffat : 102 :
فَلَمَّا بَلَغَ مَعَهُ ٱلسَّعۡىَ قَالَ يَـٰبُنَىَّ إِنِّىٓ أَرَىٰ فِى ٱلۡمَنَامِ أَنِّىٓ أَذۡبَحُكَ فَٱنظُرۡ مَاذَا تَرَىٰ‌ۚ قَالَ يَـٰٓأَبَتِ ٱفۡعَلۡ مَا تُؤۡمَرُ‌ۖ سَتَجِدُنِىٓ إِن شَآءَ ٱللَّهُ مِنَ ٱلصَّـٰبِرِينَ (١٠٢)    
“Wusana nalika anake, Ismail iku wus tekan saguh usaha, bebarengan karo dheweke, Ibrahim, Ibrahim banjur kandha : Dhuh ngger anakku. Rama pirsa ana ing sajrone ngimpi, yen rama kadhawuhan dening Allah nyembelih sira, ngger. Mula saka iku pikiren, kepriye panemumu. Ismail banjur matur : Dhuh rama, sumangga kula aturi nindakaken punapa ingkang kadawuhaken dhumateng panjenengan, rama. Insya Allah rama badhe pirsa, bilih kula kalebet golonganipun tiyang-tiyang ingkang sabar”.
            Rerangkaianipun upacara ibadah Idul Adha, wiwit maos takbir ngantos pelaksanaan shalat Id lan pemragatipun kewan qurban, ingkang dagingipun dipun bagi-bagi dhateng para sederek fakir miskin, menggah kita kaum muslimin tartamtu mengku hikmah ingkang sakalangkung ageng sanget.
            Ucapan takbir, umpaminipun, dipun kumandangaken dening kaum muslimin, nggambaraken wantenipun kesatuan akidah, manunggalipun tekat saha cita-cita gesang, inggih punika ngumawula dhumateng Allah SWT. Dene shalat Id, anggadhahi makna minangka pengejawantahan raos taqwa kita dhumateng Allah SWT, kanthi taqwa ingkang saleres-leresipun. Ingkang sedaya punika anggadhahi pengaruh ingkang ageng salebetipun usaha mbentuk kasampurnanipun mental saha ruhaniyah kita, nuju kemantepanipun gesang istiqomah, ingkang kaajab saget nuwuhaken sawarnining kemaslahatan gesang, wiwit ing ndonya ngantos ing akhirat.
            Pramila saking punika, kanthi mendhet piwucal adiluhung lan hikmah Idul Adha, dipun ajab wanten ningkatipun ketaatan kita dhumateng Allah SWT saha Utusanipun, lan ningkatipun keihklasan berqurban. Kita yakin kanthi seyakin-yakinipun, bilih gegayuhan satunggalipun cita-cita utawi idham-idhaman kedah sarana pengurbanan. Saya ageng gegayuhan ingkang dipun tuju, ugi kedah saya ageng pengurbanan ingkang dipun wedalaken, minangka tebusanipun gegayuhan kala wau. Ningkatipun iman saha taqwa, ugi minangka gegayuhan ingkang utami. Pramila saking punika usaha ningkatipun iman saha taqwa, kedah dipun tebus kanthi pangurbanan ingkang ageng. Sebab, tiyang ingkang iman saha taqwa, ateges tiyang ingkang bebas saking tumindak syirik, berusaha kanthi saestu kangge nindakaken sedaya dhawuhipun Allah SWT lan ninggalaken awisanipun.
 Allahu Akbar, Allahu Akbar, Allahu Akbar, laa ilaaha illallahu Allahu Akbar, Allahu Akbar walillahil hamdu.
Para sederek kaum muslimin lan muslimat. Jamaah ‘aidin lan ‘aidat rakhimakumullah.
            Minangka kawulanipun Allah SWT ingkang dipun titahaken kanthi winates daya lan kemampuan, mila kita kedah menyadari bilih manungsa mesthi kagungan kekhilafan wanten ing tumindakipun, ananging kekhilafan kalawau mbaten badhe langsung terus manawi enggal-enggal menyadari dhateng kekilafanipun. Kasunyatanipun para sederek, asring kita medhanget pawartos ing media elektronik, utaminipun TV utawi ugi surat kabar, kathah kedadosan-kedaosan ingkang andadosaken keprihatosan kita sami, kadosta marakipun kerusuhan missal, bentrokan dumados ing pundi-pundi panggenan, sintemen antar golongan, kasus koropsi , narkoba, lan taksih kathah persoalan ingkang dumados ing kalanganipun masyarakat.
            Pramila kangge mbendung supados persoalan ingkang asring dumados ing kalanganipun masyarakat kita punika mboten kebablasan, sedaya perkawis kedah kita wangsulaken dhateng aturan utawi undang-undang ingkang sampun maton, sarto aturan syar’I ingkang sampun maton.
            Sedaya kala wau kedah kita ugemi kanthi pangertosan ingkang saestu, sahingga wanten ing pangetrapanipun mbaten mlanggar saking undang-undang ingkang sampun mlampah. Insya Allah manawi sedaya menyadari dateng kekiranganipun piyambak-piyambak mila sedaya persoalan ingkang dumados ing tengah-tengahipun masyarakat saget enggal dipun atasi kanthi sekeca. Ananging manawi sedaya paraga nagari tansah mbeguguk ngutha waton tansah mentingaken lan mempertahanaken kepentinganipun piyambak-piyambak mila mokal lan tangeh lamun manawi ketentreman badhe saget dados kenyataan. Sikap tegas ing ndalem penegakan hukum dados kunci sukses uwal saking sedaya reribet ingkang dumados ing sedaya lapirsan masyarakat, hukum tidak memandang bulu. Manawi penegakan hukum ing nageri punika mbaten saget mlampah kanthi sae, mila inggih kados sak mangke punika kawontenanipun. Lan sedaya kala wau mujudaken gambaran bilih kita sedaya dereng mampu nahan nafsu ingkang mbaten sae. Ananging ingkang penting tumrap kita sedaya nyekseni wantenipun kekadosan-kedadosan ingkang ndadosaken kisruh, mangga dipun serahaken dateng ingkang kawogan, kita selaku warga negari ingkang sae kedah kagungan wawasan ingkang wicak sanan. Ampun ngantos gampil kabujuk dhateng tiyang-tiyang ingkang nedya ndamel kisruh. Sebab sedaya perkawis mesti saget dipun rampungaken kanthi sae , manawi sedaya elemen masyarakat guyup rukun, bersatu kita teguh , bercerai kita runtuh.
Para sederek kaum muslimin lan muslimat. Jamaah ‘aidin lan ‘aidat rakhimakumullah.
            Kanthi Idul Adha ing tahun 2012 M punika ingkang ing kasunyatan taksih kathah pacoben dalah kekadosan ingkang mrehatasaken, mila sumangga kita sasaget-saget nyonto dhateng kepemimpinan Nabi Ibrahim as  lan Nabi Ismail as. Wanten ing pagesangan kita, sahingga saged manggih rahmatipun Allah SWT, kanthi gesang ingkang sakinah mawaddah warahmah. Akhiripun sumangga kita sesarengan nyenyuwun dhateng Gusti Allah, mugi-mugi kita sedaya dipun paring hidayah kanthi manah ingkang hening, sedaya ibadah kita katampi dening Allah SWT. Sahingga saget mujudaken sifat lan sikap ingkang sae. Akhiripun saget anggayuh negeri ingkang baldatun toyyibatun warobbun ghofur, begja mulaya ing ndonya dumuginipun ing akhirat, amin ya rabbal ‘alamin.
Selajengipun kangge penutup khotbah, sumangga kita nundukaken sirah lan ngeningaken manah kita, nyuwun dhumateng Allah SWT kanthi ihklas karana Allah, mugi-mugi sedaya panjangka kita saget dipun kabulaken Allah SWT

KHUTBAH IDUL ADHA BAHASA JAWA




Keteladanan dan Keteguhan Nabiyullah Ibrahim AS
اللهُ أكْبَرُ × 9 اللهُ أَكْبَرُ كَبِيرًا وَالْحَمْدُ لِلَّهِ كَثِيرًا وَسُبْحَانَ اللَّهِ بُكْرَةً وَأَصِيلاً، لاَ إِلَهَ إِلاًّ اللهُ وَلاَ نَعْبُدُ إِلاَّ إِيَّاهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ، لاَ إِلَهَ إِلاَّ اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَهَزَمَ الأَحْزَابَ وَحْدَهُ، لاَ إِلَهَ إِلاًّ اللهُ اللهُ أكْبَرُ، الله أكبر وَللهِ الْحَمْدُ.لْحَمْدُ للهِ الَّذِيْ إِيَّاهُ نَعْبُدُ وَلَهُ نُصَلِّى وَنَسْجُدُ وَإِلَيْهِ نَسْعَى وَنَحْفِدُ، نَرْجُوْ رَحْمَتَهُ وَنَخْشَى عَذَابَهُ إِنَّ عَذَابَهُ الْجِدَّ بِالْكُفَّارِ مُلْحَقٌ. أَشْهَدُ أن لاَّ إِلَهَ إِلاًّ اللهُ وَحْدَهُ لاَشَرِيْكَ لَهُ وأَشْهَدُ أنَّ مُحَمَّدًا عَبْدُهُ وَرَسُوْلُهُ. اللهم صَلِّ وسَلِّمْ عَلَى سيدنا محمد وَعَلىَ آلِهِ وَأصْحَابِهِ وَمَنْ وَالاَهُ.أما بعد، أيُّهَا النَّاسُ اتَّقُوا رَبَّكُمْ وَاخْشَوْا يَوْمًا لاَ يَجْزِي وَالِدٌ عَنْ وَلَدِهِ وَلاَ مَوْلُودٌ هُوَ جَازٍ عَنْ وَالِدِهِ شَيْئًا إِنَّ وَعْدَ اللهِ حَقٌّ فَلاَ تَغُرَّنَّكُمُ الْحَيَاةُ الدُّنْيَا وَلاَ يَغُرَّنَّكُمْ بِاللهِ الْغَرُورُ
Hadirin Jama’ah Idul Adha ingkang dimuliaken Allah,
Wonten enjing ingkang kebak berkah lan rahmat meniko, kita kempal menika keranten jumenengaken shalat ‘Idul Adha. Nembe mawon kita ruku’ lan sujud minangka wujud taat kita dateng Allah SWT. Kita agungaken asma Allah, kita kumandangaken takbir lan tahmid wonten ing musholla-musholla lan masjid-masjid. Takbir ingkang kita ucapaken boten namung obahe lambe tanpo arti. Ananing minangka pengakuan ingdalem hati, ingkang saget gumeteraken dateng manah tiyang ingkang sami iman dateng Allah SWT. Allah Maha Besar. Allah Maha Agung. Boten wonten ingkang patut di sembah sak lintunipun Allah.
Pramilo, lewat mimbar menika kula ngajak dateng diri kula piyambak lan ugi dateng hadirin sekalian: Mangga kita sujud wonten ngarso dalem Allah Kang Maha Agung. Kita bucal tebih-tebih raos gumedhe lan sombong ingkang saget nebihaken kita saking rahmatipun Allah SWT. Nopo kemawon jabatan kita, menawi dipun bandingken kalian Allah SWT kita menika alit tur sanget. Senahoso kita meniko gagah prakosa, kita meniko lemah, ringkih menawi dipun bandingaken kalian Allah Kang Maha Kuat. Menawi kita meniko tiyang ingkang berkuasa, gadah jabatan nginggil, gadah pengaruh ageng, ananging menawi dipun bandingaken dateng Allah Kang Maha Kuwaos kita menika boten saget nopo-nopo
Hadirin Jama’ah Idul Adha ingkang dimuliaken Allah,
Idul Adha ingkang kita rayaaken saben tanggal 10 Dzulhijjah ugi dikenal kanti sebutan “Hari Raya Haji”, sebab kaum muslimin ingkang nindaaken haji nembe nglampahi rukun haji ingkang utami, inggih meniko wukuf wonten arafah. Sedaya ngagem pakaian serba putih lan boten jahitan, ingkang disebat pakaian ihram, nglambangaken persamaan akidah lan pandangan hidup, anggadahi tatanan nilai inggil, inggih meniko nilai persamaan dalam segala segi bidang kehidupan. Boten saget dibentenaken, sedaya ngrumahosi sederajat. Sama-sama mendekatkan diri kepada Allah Yang Maha Perkasa, kanti sareng-sareng mahos kalimat talbiyah.
لَبَّيْكَ اللّهُمَّ لَبَّيْكَ لَبَّيْكَ لاَ شَرِيْكَ لَكَ
Kejawi dipun wastani hari raya haji, ugi diwastani “Idul Qurban”, keranten Idul Adha merupakan hari raya yang menekankan pada arti berkorban. Arti Qurban inggih meniko paring peparingan minangka raos remen lan demen dateng tiyang sanes, senahoso kedah menderita. Tiang sanes wau saget putranipun, tiang sepahipun, keluarganipun, lan sedaya sesami tiang Islam sebangsa se tanah air. Wonten malih pengorbanan ingkang ditujuaken dateng agami ingkang ateges untuk Allah SWT lan menikolah pengorbanan ingkang inggil drajatipun. Kados ingkang sampun dipun tuladhaaken deneng kanjeng Nabi Ibrahim AS.
Hadirin sidang sholat Idul Adha ingkang dipun muliaaken Allah
Enjing meniko sedaya umat Islam sak ngalam donya sami ngagungaken asmanipun Allah, sedaya sami ngetingalaken kebahagiaanipun, jaler estri sepuh anem sedaya medal saperlu bade jumenengaken shalat Idul Adha, utawi idul qurban. Peristiwa mekaten menika ngemutaken dateng kita sedaya supados neladani perjuanganipun Kanjeng Nabi Ibrahim alaihis salam ingkang sampun dipun serat wonten Al-Qur'an. Sejarah rasul ingkang jejuluk kekasih Allah (Kholilullah) niki , diserat damel tinta emas wonten buku-buku sejarah. Sikap tabah lan teguhipun ingdalem nglampahi perintah Allah, andadosaken Nabi Ibrahim sebagai panutan umat sepanjang zaman.
Dawuhipun Gusti Allah SWT wonten Al-Qur'an :
“Sak temene wus ana suri tauladan kang apik kanggo sliramu ing dalem pribadine Ibrahim lan wong-wong kang bareng-bareng melu Ibrahim“ (QS. Al-Mumtahanah : 4)
Wonten ing ayat lintu ugi dipun sebataken bilih Nabi Ibrahim meniko dadi sebutan apik utawa kembang lambe nganti akhir zaman. Ayat Al-Qur'an Ingkang artosipun :
Ingsun abadiaken kangge Ibrahim iku (pujian kang apik) ingdalem kalangane wong-wong kang keri.“ (QS. As-Shofat : 108)
Ing dalem ayat kalih menika, cetha sanget yen sak temene Gusti Allah sangat mulyaaken dateng Nabi Ibrahim, sahingga Nabi Ibrahim lah ingkang dijuluki bapake para Nabi, ugi bapake umatipun Kanjeng Nabi Muhammad SAW. Wonten punapa kok Gusti Allah ngantos semanten agenge anggenipun mulyaaken Kanjeng Nabi Ibrahim ? Nopo keranten Banda? Keturunan ? kekuatan ? utawi keperkasaan ? Ah, ternyata sanes. Nabi Ibrahim dikenang hingga akhir zaman sebab keteguhanipun gondheli amanah Allah, lan keikhlasanipun ngorbanaken sedaya nopo kemawon demi Allah SWT.
Hadirin jamaah Idul Adha rahimakumullah
Sejarah hidup Nabi Ibrahim adalah sejarah manusia ingkang sukses ingdalem nglampahi pagesangan, senajan wiwit nol. Sukses berdakwah nalika kawontenan susah lan sukses menjaga amanah nalika sampun badhe ngrahosaken hasil dakwahipun.
Nabi Ibrahim nalikane dakwah nemahi rintangan ingkang amrat, panjenganipun ngadepi mengsah ingkang kiat inggih menika penguasa ingkang dzalim. Panjenangipun kedah nglampahi hukuman ingkang boten enteng, lan boten mungkin saget slamet, menawi boten angsal izinipun Allah SWT.
Setia anjagi garwanipun ingkang nembe ngandut putranipun. Ngrencangi estrinipun ngantos dumugi daerah ingkang tebih sanget. Keranten sedaya menika anderek dhawuhipun Gusti Allah swt., senahoso mekaten panjenenganipun taksih tetap berdakwah menyerukan ummatipun supados tetep wonten margi ingkang leres lan diridloi Allah swt.
Hadirin rahimakumullah,….
Cobaan kados mekaten meniko dereng sepintenipun menggahipun kanjeng Nabi Ibrahim. Cobaan ingkang langkung amrat tumprapipun Nabi Ibrfahim inggih menika, naliko nglampahi printahipun Allah kedah ngorbanaken putra ingkang paling dipun sayangi, nggih Ismail. Ismail kedah dikorbankan kepada Allah kanthi dipun sembelih. Kerelaan Nabi Ibrahim menyembelih puteranipun menikalah ingkang terus kita peringati ngantos sak mangke wonten ing wulan Idul Adha.
Hadirin jamaah Idul Adha ingkang dirahmati Allah
Wonten zaman sak meniko, pengorbanan Nabi Ibrahim kasebat kedah tetep kita apresiasiken, kita wujudaken. Baik dalam bentuk ubudiyah mahdoh kanthi nglampahi ibadah haji kagem ingkang sampun mampu, sarta berkurban hewan ternak kagem tiang Islam ingkang kagungan kecukupan bondo kagem qorbanKejawi menika kita ugi tetep kedah terus menerus menginterpretasikan kisah keteguhan, ketaatan lan katabahan Nabi Ibrahim kasebat wonten zaman kita gesang menika. Ketabahan Nabi Ibrahim untuk merelakan puteranya saget kita wujudaken wonten kerelaan kita berbagi kebahagiaan kalian para tetanggi, lingkungan lan sederek-sederek umat Islam lintunipun. Kados tiang-tiang Islam sederek kita ingkang sak menika nindakaken ibadah haji ugi nglaksanaaken nyembelih hewan kurban.
Kanthi keterangan menika sampun cetha, bilih syari'atipun Allah ingkang sampun kalampahan awit zaman Nabi Ibrahim menika anggadhahi manfaat ingkang kathah sanget kagem umat manusia seluruh dunia. Manfaat segi ekonomi, sosial utawi kebudayaan. Tiang-tiang ingkang nglampahi ibadah haji wonten tanah suci terlibat secara universal kalian umat Islam sak donya, malah kalian umat-umat non Muslim. Sedaya ingkang dipun karuniai kesempatan berhaji minangkani duta umat Islam saking seluruh pelosok dunia. Sedaya ngetingalaken dateng umat sanes rasa persatuan lan persaudaraan, senahoso dateng umat sanes non muslim. Kagem kita ingkang dereng dipun paringi kesempatan Allah nindakaken ibadah haji dateng tanah suci Makkah wonten tahun menika, ugi gadah tugas menyampaikan pesan persaudaraan lan persatuan, yakni kanthi ambagi kesenengan lan kebahagiaan dateng tiang-tiang ingkang kawontenanipun taksih gesang kanthi serba kekurangan. Firman Allah SWT :

37. Daging-daging unta dan darahnya itu sekali-kali tidak dapat mencapai (keridhaan) Allah, tetapi ketakwaan dari kamulah yang dapat mencapainya. Demikianlah Allah Telah menundukkannya untuk kamu supaya kamu mengagungkan Allah terhadap hidayah-Nya kepada kamu. dan berilah kabar gembira kepada orang-orang yang berbuat baik. (Al-Hajj: 37)
Pesan rohani wonten ayat menika inggih menika, supados kita langkung aktif lan bertanggungjawab dadosaken lingkungan ingkang penuh persaudaraan lan gesang kanthi kasih sayang terhadap sesami.
Hadirin Jamaah Idul Adha Rahimakumullah
Kecintaan lan ketaatan menika kalih perkawis ingkang boten saget dipun pisah. Imam Al-Baidhawi ngendika : "Cinta inggih menika kepinginan nglampahi taat", Lajeng Syekh al-Zujaj ugi ngendikan : "Cinta manusia dateng Allah lan Rasul-ipun inggih menika mentaati perintah-perintahipun lan ridha dateng sedaya perintah Allah lan ajaran ingkang dipun asto Rasulullah" Artosipun, kecintaan lan ketaatan dateng Allah boten mungkin diwujudaken tanpa pengorbanan. Dados, boten wonten cinta tanpa ketaatan, lan boten wonten taat tanpa pengorbanan. Menikalah pesan Agung ingkang saget kita serap saking kisah perintah Penyembelihan Ismail, sang putera Ibrahim AS.
Pramila, menawi kita ngaku mencintai Allah lan Rasulullah serta mengikuti ajaran-ajaran Islam, temtu kita boten badhe nyia-nyiaaken kesempatan Idul Adha menika namung kagem seneng-seneng piyambakan. Sebab Allah mrintahaken dateng kita berbagi karunia lan kesyukuran wonten dinten riyadin menika. Kados ingkang sampun dipun contoaken deneng para Nabi lan para Ulama.
Mugi2 wonten ing dinten riyadin ingkang agung menika kita saget sareng-sareng menikmati karunia Allah kanthi suka cita lan rasa kasih sayang sebagai wujud syukur kita dateng Allah. Ugi para tetanggi mugi2 saget nderek ngraosaken kebahagiaan kita ing margi ingkang dipun ridloni deneng Allah SWT.
Mugi2 Allah ngampuni sedaya dosa-dosa kita lan nglimpahaken sedaya kasih sayangipun dateng kita sedaya, sahingga sedaya hajat kita dicukupi deneng Allah, supados kita saget mengabdi lan beribadah dateng Allah kanthi langkung sempurna. Amin Allahumma Amin
أعُوْذُ بِاللهِ مِنَ الشَّيْطنِ الرَّجِيْمِ . بِسْمِ اللهِ الرَّحْمنِ الرَّحِيمِ
!$¯RÎ) š»oYø‹sÜôãr& trOöqs3ø9$# ÇÊÈ Èe@Ásù y7În/tÏ9 öptùU$#ur ÇËÈ žcÎ) št¥ÏR$x© uqèd çŽtIö/F{$# ÇÌÈ
بَارَكَ اللهُ لِي وَلَكُمْ فِي الْقُرْآنِ الْعَظِيْمِ ونفعني وإياكم بما فيه من الآيات والذكر الحكيم وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ فاستغفروا الله العظيم إنه هو الغفور الرحيم

KHUTBAH KEDUA:
اللهُ اَكْبَرْ (3×) اللهُ اَكْبَرْ (4×) اللهُ اَكْبَرْ كبيرا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَاللهُ وَ اللهُ اَكْبَرْ اللهُ اَكْبَرْ وَللهِ اْلحَمْدُاَلْحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وَِعَلَى اَلِهِ وَاَصْحَابِهِ وَسَلِّمْ تَسْلِيْمًا كَِثيْرًااَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَىوَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَاَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ اَعِزَّ اْلاِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ وَاعْلِ كَلِمَاتِكَ اِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! اِنَّ اللهَ يَأْمُرُنَا بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ اَكْبَرْ